Canllawiau i ymgeiswyr

Gallwch greu cyfrif ar ein tudalen swyddi, lle gallwch gael rhybuddion am swyddi a gwneud ceisiadau.

Gofynnwn i chi ysgrifennu datganiad ysgrifenedig 8000 o nodau, gan ddefnyddio enghreifftiau i ddangos sut rydych chi'n bodloni'r meini prawf penodol i'r swydd.

Gallwch ddod o hyd i'r meini prawf penodol i'r swydd a restrir ym mhob disgrifiad swydd.

• Ysgrifennwch enghreifftiau ar gyfer pob maen prawf penodol i'r swydd. Gall eich enghreifftiau fod o'ch swyddi blaenorol, astudiaethau neu hobïau. Rydym yn argymell defnyddio'r dull STAR (Sefyllfa, Tasg, Gweithred, Canlyniad) i helpu i strwythuro'ch enghreifftiau. Dysgu mwy am y dull STAR. 

• Lle bo modd, defnyddiwch benawdau neu rifau i nodi'r maen prawf penodol i'r swydd rydych chi'n ei ddangos.

• Efallai y byddwch yn ei chael hi'n haws ysgrifennu eich cais all-lein a thorri a gludo'r wybodaeth i'r blwch pan fyddwch wedi'i gwblhau.

• Cymerwch amser i adolygu eich cais cyn i chi ei gyflwyno. Ar ôl ei gyflwyno, ni fyddwch yn gallu gwneud unrhyw newidiadau pellach.

• Os oes angen addasiad rhesymol neu gymorth arnoch gyda'ch cais, cysylltwch â'r tîm recriwtio drwy e-bost: swyddi@senedd.cymru neu ffonio 0300 200 7588

Os cewch eich gwahodd i gyfweliad gyda ni, byddwch yn cael hysbysiad e-bost gan ein system recriwtio ar-lein. Bydd y ddolen yn yr e-bost yn eich gwahodd i ddewis eich slot cyfweliad ac yn rhoi gwybodaeth am yr hyn i'w ddisgwyl ar y diwrnod fel eich bod chi'n teimlo mor barod â phosibl.

Gofynnir cwestiynau i chi yn seiliedig ar y meysydd cymhwysedd ac ymddygiadau. Gall y panel hefyd gynnwys cwestiwn yn seiliedig ar y meini prawf penodol i'r swydd.

Paratowch ymlaen llaw – meddyliwch am enghreifftiau pan fyddwch chi wedi dangos y meysydd cymhwysedd a’r ymddygiadau lefel, gan roi sylw penodol i’r disgrifiadau.

• Strwythurwch eich ymatebion cyfweliad gan ddefnyddio'r dull STAR (Sefyllfa, Tasg, Gweithred, Canlyniad).

• Gwrandewch ar y cwestiynau'n ofalus; peidiwch ag ofni gofyn iddynt gael eu hailadrodd.

• Weithiau, mae aelodau'r panel yn gofyn cwestiynau dilynol i'ch helpu i ateb yn fwy effeithiol.

• Rydyn ni eisiau clywed beth wnaethoch chi; cyfeiriwch bob amser at y camau rydych chi wedi'u cymryd. Dywedwch 'fi' yn lle 'ni'.

• Eglurwch sut wnaethoch chi rywbeth yn hytrach na beth wnaethoch chi.

• Ymarferwch yn uchel neu ysgrifennwch nhw i lawr i'ch helpu i deimlo'n fwy hyderus. Gallwch ddod â nodiadau, ond ceisiwch osgoi darllen yn uniongyrchol oddi wrthyn nhw.

Os oes angen addasiadau rhesymol arnoch ar gyfer anabledd, rhowch wybod i ni drwy nodi manylion ar y porth ar-lein wrth ddewis slot cyfweliad. Os hoffech siarad â'r tîm am addasiadau rhesymol, gallwch wneud hynny drwy e-bost: swyddi@senedd.cymru neu ffonio 0300 200 7588

Yn ogystal â'r cyfweliad, rydym weithiau'n cynnal asesiadau recriwtio sydd wedi'u cynllunio i asesu a oes gennych y sgiliau a'r profiad cywir sydd eu hangen ar gyfer y rôl.

Gall yr asesiadau hyn amrywio yn ôl rôl a gallant gynnwys:
 

• Ymarferion senario (barn sefyllfaol)

• Asesiad ysgrifenedig

• Cyflwyniadau

• Trafodaeth grŵp

• Diwrnodau asesu

Os oes angen addasiadau rhesymol arnoch ar gyfer anabledd, rhowch wybod i ni drwy nodi manylion ar y porth ar-lein wrth ddewis slot cyfweliad. Os hoffech siarad â'r tîm am addasiadau rhesymol, gallwch wneud hynny drwy e-bost: swyddi@senedd.cymru neu ffonio 0300 200 7588

Byddwn yn rhoi'r wybodaeth ddiweddaraf i chi drwy gydol eich taith ymgeisio. Gwiriwch eich mewnflwch sothach yn rheolaidd gan fod hysbysiadau ein system weithiau'n cael eu hidlo yno. Os cewch eich gwahodd i gyfweliad, byddwn yn anfon yr holl fanylion sydd eu hangen arnoch i baratoi atoch.

Mae ein tîm recriwtio cyfeillgar yn hapus i ateb unrhyw gwestiynau. Os hoffech gysylltu â'r tîm gallwch wneud hynny drwy e-bost: swyddi@senedd.cymru neu ffonio 0300 200 7588